Emblema da Deputación de Lugo

Factura electrónica
Consultas cidadás
Boletín Oficial da Provincia de Lugo
Emprego público
Perfil do Contratante

Hoxe

Páxina 2 de 703,  7030 contidos

16/02/2018

Santos Ramos: “A Deputación non despreza aos 100.000 veciños do Concello de Lugo como fai a Xunta”

160218 Alvaro santos -deputacion roda de prensa

- O voceiro do Goberno da Deputación pide a Balseiro que se preocupe de executar o Plan Paradai, de traer a Intermodal, de facer o Museo da Romanización e a Rolda Leste ou de dotar ao HULA de Hemodinámica as 24 horas. “Debería preocuparse de defender os intereses dos lucenses, como sempre seguirá a facer a Alcaldesa e este Goberno”

- “A Balseiro o único que lle preocupa do Concello de Lugo é facer a máxima propaganda do señor Carballo para metelo como sexa, con calzador, na alcaldía de Lugo. Balseiro e Carballo deberían preocuparse de dotar á Comisaría de Lugo dos medios que require, cos axentes necesarios, para que os veciños non teña a sensación de inseguridade”

- “Balseiro e Carballo deberían explicar porque Lugo é a única provincia galega sen a Unidade de Prevención e Reacción que a Dirección Xeral da Policía Nacional si dotou ás restantes provincias galegas. Que expliquen porque os lucenses dependemos do servizo de Hemodinámica as 24 horas e de seguridade cidadá da Coruña”

Leer máis

16/02/2018

Aberto o prazo para participar no V Campus de Emprendemento Sostible do Goberno da Deputación

160218 ENCONTRO CON EMPRENDEDORES

- Trátase da iniciativa coa que o Executivo ofrece formación, asesoramento individualizado e coñecemento in situ sobre proxectos empresariais exitosos, co obxectivo de poñer en marcha novos negocios nos Concellos das Reservas da Biosfera

- Os interesados en participar nos Campus de Motivación e Maduración Empresarial, que se celebrarán en marzo no Centro de Interpretación Terras do Miño, poden apuntarse ata o día 5 no espazo que se atopa habilitado en www.deputacionlugo.gal

- As catro anteriores edicións do Campus de Emprendemento Sostible supuxeron a xeración, ata o momento, de 21 novas empresas na provincia e, polo tanto, de novos postos de traballo no conxunto do territorio lugués

Leer máis

15/02/2018

A Deputación ofrece unha nova edición do Campus de Emprendemento pois xerou 21 empresas na provincia

150218 Campus de emprendemento-deputacion

- Fernández Queipo avanzou este xoves que outros 40 lucenses poderán recibir asesoramento individualizado e formación teórica-práctica para abrir os seus negocios

- Farano a través das accións que inclúe o V Campus de Emprendemento Sostible. Mañá abre o prazo de inscrición en www.deputacionlugo.gal ata o 5 de marzo

- 80 estudantes de FP coñecen as oportunidades de emprender coas sesións que se levan aos IES San Rosendo de Mondoñedo, IES Trapero Pardo en Castro de Rei e CFEA Alta Montaña, que son os 3 centros públicos da provincia que ofrecen ensinanzas superiores sobre produción agropecuaria, xestión forestal e do medio ambiente

- A Deputación tamén sensibiliza a 46 alumnos de Secundaria sobre o emprendemento con clases no IES de Becerreá e CEIP de Navia de Suarna. O Deputado e o Alcalde deste último Concello participaron hoxe nunha das sesións

Leer máis

15/02/2018

A TIC da Deputación dará proxección internacional a Foz e aos Concursos de baristas coa emisión en directo das tres xornadas

150218 DSC_0012

- Ramos Santos dixo que “celebramos 10 anos de colaboración co IES de Foz, co que contribuímos a poñer a este Concello no mapa internacional de baristas e apoiamos a economía da provincia”

- Os alumnos da EIS realizarán o streaming a través de Facebook e YouTube e editarán in situ vídeos de cada un dos participantes para colgalos ao momento nas redes

- “Queremos que os estudantes vivan o estrés do directo e se enfronten aos mesmos problemas que atoparán nunha emisión destas características no sector audivosiual”

- Nos Campionatos participarán 18 Escolas de Hostalería de Galicia, Cantabria, País Vasco, Casela e León e París, e 12 baristas profesionais

Leer máis

14/02/2018

O Vello Cárcere acolle este venres un faladoiro gratuíto sobre feminismos decoloniais grazas á Deputación e Concello

Noticia14022016_vellocarcel

- Trátase da conferencia impartida pola Doutora en Tradución e Interpretación, María Reimóndez, na que reflexionará sobre o que hoxe acontece no marco da interseccionalidade, centrándose nos diferentes pensamentos feministas do país

- Esta conferencia está enmarcada dentro da programación gratuíta que Deputación e Concello de Lugo, coa colaboración do Foro feminista Maruxa Mallo, puxeron en marcha para crear un espazo de reflexión da actualidade dende a mirada das mulleres

- Esta iniciativa, de conexión do feminismo coa cidadanía, busca aportar ferramentas para fortalecer o empoderamente feminino, favorecer o coñecemento e a situación actual en cuestións de igualdade e identificar as causas do estado actual

- A nova misoxinia, a violencia simbólica, novas formas do patriarcado ou o feminismo e a literatura, son só algúns dos temas que se van a tratar nos relatorios que terán lugar no Auditorio do Vello Cárcere ás 20:00 horas ata o 25 de maio

Leer máis

14/02/2018

O Goberno da Deputación abre o prazo de reservas para as rutas fluviais en catamarán que comezarán o 24 de marzo

Noticia14022018_FOTOGRAFÍA CATAMARÁN

- O Executivo garante a apertura dos catamaráns na Semana Santa e dende este mércores xa se poden comprar os tíckets que terán un prezo de entre 5 e 9 euros

- Vidal Baamonde lembrou que “dende que asumimos a xestión das rutas, o número de viaxeiros aumentou nun 30%, superando os 53.250 o ano pasado. Todo isto, tras as melloras levadas a cabo como a renovación da Central de Reservas que funciona as 24 horas, a apertura dunha oficina de turismo en Doade, ou a mellora das embarcacións”

- As reservas poden facerse de forma online as 24 horas en www.reservas.rutasembalses.es; ou ben de luns a venres de 09:00 a 14:30 horas no teléfono 982 260 196 e no email catamaranes.turismo@deputacionlugo.org

Leer máis

14/02/2018

180 técnicos participarán nas xornadas sobre a nova Lei de Contratación Pública, que organiza o Goberno da Deputación

Noticia14022016_contratacion1

- O Deputado de Cooperación cos Concellos presentou este mércores as charlas, que terán lugar o 19 e 20 de febreiro no Salón de Actos do Pazo de San Marcos, impartidas por Javier Tena Ruiz, Elena Hernáez Salguero, e Patricia Valcárcel Fernández

- Fernández Queipo subliñou que “traballamos para mellorar a eficiencia, transparencia e xestión na administración e, neste senso, organizamos unhas xornadas sobre os cambios que se producirán coa nova lei na contratación pública”

- Os obxectivos destas xornadas son: dar a coñecer os cambios na contratación pública con respecto aos principios de igualdade de trato, e realizar un retrato da “Estratexia Europa 2020”, que persegue un crecemento económico sostible co uso máis racional dos fondos públicos dentro dos Estados da Unión Europea

 

Leer máis

13/02/2018

Últimos días para inscribirse nos 188 novos traballos que xera o Goberno da Deputación co Ben Empregado 4, máis social

DSC_0031

 - Os lucenses en paro interesados poden facelo ata o 19 de febreiro a través da oficina física da Axencia de Colocación, no Pazo de San Marcos, na plataforma web (https://deputacionlugo.portalemp.com/index.php?lng=gl) e nos Rexistros Provinciais

- Esta cuarta edición do Ben Empregado, que financia en solitario o Executivo Provincial con 2,4 millóns de euros, permite financiar durante un ano os custos laborais de novos traballadores en entidades e asociacións da provincia

- O Executivo Provincial financiará ao 100% os custos laborais de 19 lucenses no paro con capacidades diferentes ou en risco de exclusión social, ao 90% os de 39 persoas sen traballo que serán contratadas en asociacións e ao 50% a 130 veciños desempregados que comezarán a traballar en entidades da provincia   

Leer máis

12/02/2018

O Goberno da Deputación contribúe á promoción da tradición histórica da Festa do Oso de Salcedo

120218 Oso Salcedo2

- O Presidente e o Deputado de Turismo participaron este luns nesta cita do Entroido, coa que colabora o Executivo Provincial dentro da súa aposta por dinamizar a cultura e o turismo desta parroquia do Concello da Pobra do Brollón

- Campos Conde destacou “a implicación dos veciños desta parroquia por manter viva esta costume e tradición local que forma parte da nosa identidade, cultura e patrimonio inmaterial”

- Esta festa atrae a máis de 3.000 persoas á Salcedo e representa unha das celebracións máis importantes da Ribeira Sacra. É unha cita tradicional que simboliza a fecundidade das mulleres e a chegada da primavera

- Xantar popular, concursos de disfraces, charangas e orquestras son só algunhas das actividades que forman parte da programación deste ano da Festa do Oso de Salcedo

Leer máis

Páxina 2 de 703,  7030 contidos

Información sobre el documento

Deputación de Lugo
C/ San Marcos N°8 – 27001 Lugo (Galicia)
Teléfono: 982 260 000