Emblema da Deputación de Lugo

Factura electrónica
Consultas cidadás
Boletín Oficial da Provincia de Lugo
Emprego público
Perfil do Contratante

Hoxe

Páxina 2 de 688,  6880 contidos

04/12/2017

Deputación e USC asinan o convenio de 2 millóns para a construción da Granxa Experimental do Campus Terra

041217 DSC_0138

- Campos Conde e Viaño Rey presentaron este proxecto tras asinar o convenio mediante o cal a Deputación achega 1,3 millóns para as obras e a USC 745.000 euros para o equipamento dunhas instalacións públicas e pioneiras na provincia de Lugo

- Construiranse 5 estruturas de 4.400 m2 nunha finca provincial de 30 h. na Granxa Gayoso Castro: nave para 70 vacas, nave para maquinaria, edificio de prácticas con aulas para 40 alumnos e laboratorio para 20 investigadores, fosa de purín ou silos

- As obras, en fase de contratación, comezarán no primeiro trimestre do vindeiro ano para que a Granxa Experimental do Campus Terra funcione no curso académico 2018-2019 e a Facultade de Veterinaria renove a súa acreditación europea

 

Leer máis

04/12/2017

Deputación e Concello dinamizan durante o Nadal o turismo de Viveiro coa recreación do Belén xigante

041217 IMG-6119

- García Bermúdez e Loureiro García supervisaron este luns os derradeiros traballos de montaxe do Belén Viveiro ante o Berce, un dos máis importantes de Galicia e de España, situado no atrio da Igrexa de Santa María, dende o 5 de decembro ata o 14 de xaneiro

- Esta coidada recreación a tamaño natural do artista Jesús Atadell, composta por 90 pezas, conta con representacións propias do belén como o Nacemento ou os Reis Magos  

- O Goberno da Deputación colabora co Concello de Viveiro cunha achega de 35.000 euros para a celebración de distintas actividades lúdico-culturais durante todo o ano, co obxectivo de dinamizar económica e turísticamente este municipio mariñán

Leer máis

04/12/2017

O Goberno da Deputación fai posible a 7ª edición do Concurso de Cantos de Taberna da Pobra do Brollón

041217 FOTO PRESENTACIÓN CANTOS DE TABERNA POBRA

- O evento, que terá lugar o vindeiro sábado 9 de decembro, reunirá a máis dun centenar de participantes de toda Galicia. As inscricións permanecerán abertas ata mañá no teléfono 982 430 546 ou no enderezo biblioteca@pobradobrollon.es

- García Porto subliñou que “os Cantos de Taberna da Pobra do Brollón son un referente na nosa provincia, e tamén dos máis importantes a nivel galego, un evento que ano a ano vai a máis incrementando o número de participantes”

- O Executivo Provincial destinou 40.000 euros á organización de diferentes actividades de dinamización social e cultural na Pobra do Brollón como a Feira do viño de Vilachá, a Feira Medieval Guímara ou o Festival de música As cores de Outono

- O evento dará comezo ás 17:00 horas, nos locais locais: O Fogón, Bar E Logo, A Salanova, Cantina de Julia, As Viñas, Bar O Pirata, Bar Avenida, La Vieja Taberna, e 1 de Maio. Todas as formacións participantes recibirán un agasallo conmemorativo

Leer máis

01/12/2017

A Deputación recibe 5 recoñecementos no último mes pola súa labor social dende a Rede Museística Provincial

011217 FOTO MUSEO IV

- O Presidente fixo este anuncio na inauguración da mostra Fotografía a Cegas IV Trato-Retrato que estará exposta no Refectorio do Museo ata o 6 de xaneiro e na que participaron 15 invidentes coa axuda de profesionais, artistas e persoal dos 4 museos

- Campos Conde subliñou que “somos unha Deputación social e comprometida coas persoas, e vímolo demostrando no día a día. Froito do noso compromiso por conseguir unha sociedade máis xusta e inclusiva, no último mes recibimos 5 recoñecementos”

- “Querémonos adiantar ao Día da Discapacidade, que se celebra o domingo,pois consideramos que as efemérides están aí para unha chamada de atención, pero para a Deputación os 365 días do ano son que hai que traballar na eliminación de barreiras”

- Tamén se presentou o proxecto internacional Guerrilla de palabras: o oficio de palabreiro/a, no que participa a Rede Museística e que vén de ser seleccionado por Ibermuseos para desenvolverse en 2018 entre as cidades de Cali e Lugo

Leer máis

01/12/2017

Ribas de Sil, Folgoso do Courel e Quiroga presentan, co principal apoio da Deputación, a candidatura de Xeoparque Mundial da UNESCO

011217 DSC_0041

- Santos Ramos avanzou que o Goberno converteu á Deputación na principal administración colaboradora da candidatura, cunha achega de 50.000 euros, para elaborar o proxecto e realizar accións imprescindibles de promoción do territorio

-“De ser fallada favorablemente, seremos o primeiro espazo do noroeste peninsular e Galicia en obter este galardón internacional”, apuntou

-Logo de ter presentada a candidatura onte mesmo, as administracións implicadas continuarán a desenvolver durante o 2018 accións informativas para incluír á cidadanía neste proxecto. O resultado coñecerase no 2019, en París

- O Goberno Provincial, dentro da súa aposta por impulsar o turismo como motor económico, fixo que a Deputación teña un papel prioritario para citas como do Aceite de Quiroga; a Feira da Castaña de Folgoso ou a da Cereixa e Aceite de Ribas do Sil

Leer máis

01/12/2017

Alumnos de toda a provincia participaron nas actividades medioambientais da 4ª Semana Escolar da Deputación

011217 Visita anxel fole-deputación1

- Fernandez Queipo e Fernández Méndez mantiveron un encontro este venres con alumnos do IES Ánxel Fole de Lugo que participaron na programación que ofreceu o Goberno da Deputación aos alumnos de Secundaria de toda a provincia para poñer en valor a realidade da riqueza medioambiental

- Participaron de balde un total de 9.912 rapaces de 45 centros escolares lucenses, que realizaron diferentes actividades durante toda a semana a través do libro-manual Humanidade e patrimonio natural lucense que editou o Executivo Provincial

- Para concluír as xornadas divulgativas, hoxe tivo lugar a festa escolar da provincia, na que se inauguraron as exposicións de muráis colectivos, leron os mellores traballos, degustaron produtos e fixeron unha representación dun pleno provincial

Leer máis

01/12/2017

O Goberno da Deputación inviste case 1 millón na mellora de servizos públicos no rural de 12 Concellos

011217 DSC_0006

- O Deputado de Cooperación informou sobre as actuacións do Executivo da Deputación na Xunta de Goberno en localidades do rural de municipios lucenses

- Fernández Queipo subliñou que “facémolo dentro da aposta deste Goberno por unha Deputación rural, que defende a vida no rural e do rural e que se demostra con feitos e investimentos; a diferenza doutras administracións públicas que, lamentablemente, empregan o rural como slogan”.

 

Leer máis

30/11/2017

AFRICOR LUGO involúcrase no Centro de Recría, comezando coa súa promoción entre 1.500 gandeiros da provincia

301117 DSC_0054

- O Presidente da Deputación, o representante de Recría Castro e membro de SERAGRO e o responsable de AFRICOR LUGO asinaron un convenio de colaboración

- A 1ª medida deste convenio consiste na difusión dos servizos e vantaxes produtivas ou económicas do Centro de Recría, entre outras cuestións, en 1.500 explotacións

- 30 ganderías da provincia interesáronse polo uso destas instalacións públicas nas últimas semanas. Máis info. en info@recriacastro.es ou www.deputacionlugo.gal

Leer máis

30/11/2017

O Goberno da Deputación colabora coa X Festa do Mexillón de Becerreá que reunirá a un milleiro de persoas

301117 FOTO PRESENTACIÓN MEXILLÓN

- As actividades comezarán o día 5, no que todos os bares e restaurantes participantes ofrecerán diferentes preparacións co mexillón como ingrediente principal. O día 7, a partir das 20:00 horas, haberá unha degustación na Nave Multiusos Feira Nova

- Vidal Baamonde subliñou que “en total repartiranse preto de 2.300 quilos de mexillón. Noutras edicións xa teñen participado unha media de 1.000 persoas, polo que agardamos que este ano, coincidindo co décimo aniversario, volva a repetir éxito”

- O único requisito para participar é facerse cun dos pratos conmemorativos que se porán a venda ao prezo de 5 euros. A programación completarase con xogos infantís e actuacións musicais na Nave Multiusos, onde se instalarán sistemas calefactores

Leer máis

30/11/2017

O MINOM recoñece a labor social da Deputación elixíndoa a nivel mundial para custodiar o seu arquivo documental

301117 DEPUTACION RECEPCION MINOM-TOR

- O Presidente da Deputación e a Secretaria Xeral do Movemento Internacional para Unha Nova Museoloxía asinaron a acta de recepción de todo o arquivo documental orixinal desta corrente que se custodia no Museo de Tor para a súa consulta pública

- O MINON elixiu á Deputación de Lugo entre todas as institucións do mundo en recoñecemento á labor social que tamén desenvolve dende a Rede Museística, facilitando o acceso e coñecemento sobre a cultura e o patrimonio a todos os cidadáns

- O Goberno Provincial fixo que a Deputación sexa a única institución en España que traballa de xeito permanente con este modelo de sociomuseoloxía que comparte co MINON e que estudan 9 universidades e 11 países, sendo un referente en Europa

- Campos Conde propuxo ao MINON que a provincia de Lugo sexa a sede da XIX Conferencia Internacional MINOM-ICOM que terá lugar no 2019. A última conferencia, na que participaron máis de 350 persoas, tivo lugar en Córdoba, Arxentina

Leer máis

Páxina 2 de 688,  6880 contidos

Información sobre el documento

Deputación de Lugo
C/ San Marcos N°8 – 27001 Lugo (Galicia)
Teléfono: 982 260 000