Emblema da Deputación de Lugo

Factura electrónica
Consultas cidadás
Boletín Oficial da Provincia de Lugo
Emprego público
Perfil do Contratante

Notas de prensa

Páxina 1 de 720,  7193 contidos

26/04/2018

Comezan as actividades medioambientais gratuítas nas Insuas do Miño promovidas polo Goberno da Deputación

- Trátase da programación que o Executivo desenvolve na Casa das Insuas, situada no Concello de Rábade, como complemento ás actividades que se celebran no Centro de Interpretación Terras do Miño e na Reserva da Biosfera dos Ancares Lucenses

- 36 alumnos de 4ª da ESO do IES Nosa Señora dos Ollos Grandes participaron hoxe na primeira actividade programada: unha saída ao campo para a observación de morcegos. A ANPA da Anexa e o IES A Pinguela de Monforte, próximas visitas

- Máis de 350 lucenses participaron nas 17 actividades que se levaron a cabo na pasada anualidade na Casa das Insuas. Os interesados poden apuntarse a través do teléfono 982 227 812

Leer máis

26/04/2018

A Deputación publica as condicións para adquirir os terreos do Centro de Maiores na Pontenova

-  O Presidente  avanza que o BOP  publica o prego de condicións para a adquisición do terreo do centro de atención a maiores, que non deberá ser inferior a 2.000 m2

- Esta adquisición conta cun investimento máximo de 125.000 euros e realizarase ao abeiro  do Convenio asinado polo Concello coa Deputación. O prazo para presentar as ofertas remata o dia 22 de maio, segundo consta nas bases

- Campos Conde destacou que “esta infraestrutura social que construiremos en solitario Deputación e Concello busca ofrecer aos veciños maiores da zona un servizo profesional que lles permita desenvolverse con normalidade no seu día a día, e preto das súas casas”

Leer máis

26/04/2018

250 rapaces participarán no I Memorial Carlos Pérez Castelao promovido polo Goberno da Deputación e do Concello da Fonsagrada

260418 IMG_5405

- Fernández Queipo e Rivera Capón presentaron este xoves a cita deportiva de fútbol 8, coa que colabora o Executivo Provincial cunha achega económica de 3.000 euros, e que terá lugar o vindeiro luns, 1 de maio no Campo Municipal Gómez Besteiro

- O Alcalde subliñou que “o torneo reunirá a 250 participantes pertencentes a 18 equipos de toda a provincia, dende categoría prebenxamín, benxamín e alevín”

- O Deputado de Deportes destacou que “colaboramos coa celebración deste tipo de iniciativas que traballan en favor dos máis novos, inculcando valores tan importantes como o esforzo, o compañeirismo e a solidariedade”

Leer máis

25/04/2018

“Mentres outros poñen trabas, dende a Deputación de Lugo apoiamos decididamente aos piragüistas e clubs da provincia”

- “A Confederación Hidrográfica tardou máis de 30 anos en descubrir unha rampla que da servizo aos máis de 1.000 piragüistas que a empregan para poder realizar os seus adestramentos”

- A Deputación fará os trámites para legalizar a instalación trala denuncia da Confederación Miño-Sil, que causou gran preocupación aos usuarios da Escola Provincial de Piragüismo

Leer máis

25/04/2018

A Deputación dá formación sobre a responsabilidade patrimonial aos Concellos

250418 Xornada de reponsabilidade patrimonial

- O Deputado de Relacións Institucionais, Álvaro Santos e o Director da Fundación Democracia e Goberno Local, Ramón Camp i Batalla, inauguraron este mércores no Pazo de San Marcos, a Xornada sobre Responsabilidade patrimonial e dereito sancionador, que organiza o Goberno da Deputación, e na que participan catedráticos, xuristas e profesores expertos na materia.

Leer máis

25/04/2018

Máis de 250 padexeiros participarán nas regatas da VIII Liga Provincial de Piragüismo que promove o Goberno da Deputación

250418 FOTO LIGA PROVINCIAL PIRAGÜISMO

- Rivera Capón presentou este martes o campionato que se celebrará durante os meses de maio a setembro nos Concellos de Lugo, Ribadeo, Cervo e Viveiro

- Rivera Capón subliñou que “somos a administración que máis colabora co piragüismo da provincia, pois tan só o ano pasado achegamos máis de 210.000 euros a promoción deste deporte coa posta en marcha do novo hangar de piraguas de Foz, as axudas para os clubs da provincia e as becas para piragüistas lucenses”

- O organismo provincial achega 20.000 euros para a celebración deste campionato, co que promover o deporte base, ademais de dinamizar a economía dos Concellos da provincia nos que se celebrarán as seis probas das que consta a Liga

- As embarcacións de todas as probas son individuais, tanto K1 coma C1, e participan as categorías veterano, sénior, xuvenil, cadete, infantil A, infantil B, alevín A, alevín B, e benxamín, tanto masculinas como femininas

Leer máis

24/04/2018

“Fronte á mediocridade da oposición, nós facemos política e construímos, achegando aos lucenses o que é seu: 129 millóns de fondos públicos da Deputación”

240418 DSC_0051

- “A política debería contar cos máis responsables para exercela, estar arroupada de discursos certos e honestos, relatos construtivos e descritivos; e non dos intereses electorais dunha organización política ou, o que resulta máis mezquino, dunha persoa”

- “Os máis bisoños converteron á política nunha cuestión aritmética. A algúns só lles importa o inmediato, o visible, o curto ... Así, temos a mediocridade, a inquina e a malicia disfrazada de política. Calquera mezquindade se agocha na perversa máxima de que en política todo vale, sabendo o dano que esa farsa fai a política de verdade”

- “Eu non vin á política a facer espectáculo nin ruído, vin a construír para todos os veciños e veciñas. Dende que son Presidente, só me propuxen sacar adiante iniciativas que permitisen a esta provincia, cando menos, sobrevivir e recuperarse do desprezo das políticas de dereitas do PP dende a Xunta e o Goberno Central”

- “Fixemos que a Deputación sexa o motor económico e social da provincia, pois en dous anos e medio, inxectamos máis de 129 millóns: lideramos a obra pública con 55, impulsamos o Estado do Benestar con 31, dinamizamos social e economicamente o rural con 28,5 en turismo e cultura e somos os que máis investimos en deportes con 15”

- “O traballo deste Goberno, coa inestimable implicación dos traballadores públicos, aos que o PP castigou sen razón, supuxo que esta administración sexa hoxe o corazón da provincia, unha Deputación coas persoas, sumamente social e rural”

Leer máis

24/04/2018

Aprobadas, co non do PP, as mocións do Goberno para instar á Xunta a aumentar o investimento para Sanidade e Cultura

240418 DSC_0010

- O Pleno da Deputación de Lugo aprobou este martes, co voto en contra do Partido Popular, a moción presentada polo Goberno Provincial para reclamar á Xunta de Galicia a contratación de médicos de atención primaria e un plan de mellora de centros de saúde e atención pediátrica

- “O Goberno da Deputación inviste 9,6 millóns de euros, dende o ano 2015 ata a actualidade, para a atención profesional de máis de 10.000 veciños da provincia de Lugo” destacou na súa intervención López Izquierdo

- O Pleno tamén aprobou, a pesar do non do PP, unha moción, na que se demanda á Xunta que recuperen os fondos de 2008 e 2009 para bibliotecas, fomento da edición e lectura en galego, a normalización lingüística, e mesmo en cooperación ao desenvolvemento

- “O Executivo Provincial promoveu 699 actividades para 515 colectivos cun total de 1.110.101 euros. Só con estas actividades xa superamos o 1% que lle pide á Xunta por parte do Consello da Cultura Galega”, apuntou García Porto

Leer máis

24/04/2018

O Goberno da Deputación garante aos clubs lucenses o uso do Pazo dos Deportes e o ascenso do CB Breogán

240418 FOTO PLENO

- Faino tras aprobarse no Pleno a proposta do Executivo para iniciar o procedemento de cesión destas instalacións ao club celeste. O acordo, que terá unha vixencia de 35 anos, recollerá ademais o dereito de uso deste espazo por parte do resto de equipos

- A aprobación desta medida é fundamental para que o CB Breogán poida equilibrar a súa situación patrimonial e, polo tanto, para superar a auditoría á que será sometido nas próximas datas pola ACB, logo de proclamarse campión da LEB Ouro

- O Deputado subliñou que se trata “dunha cesión que se fai en beneficio de todos os equipos da provincia para dotalos dunha maior seguridade xurídica para que, pase o que pase e veña quen veña, sempre teñan garantido poder utilizar o Pazo”

- Nos dous anos e medio que o actual Goberno Provincial leva á fronte da Deputación, destináronse máis de 15 millóns ao impulso do deporte, ofrecendo unhas 2.500 axudas a equipos profesionais e de deporte base en todas as modalidades ou promovendo a actividade deportiva de máis de 200 entidades lucenses

- Ao inicio da sesión, o Presidente trasladou as súas felicitacións ao Emevé polo ascenso á Superliga. Campos Conde tamén deu os parabéns ao novo Reitor da USC, Antonio López, e agradeceu ao equipo saínte o traballo realizado durante estes anos

Leer máis

23/04/2018

O Pazo de San Marcos acolle este xoves unha conferencia de Juan de Dios Román, promovida polo Goberno da Deputación

230418 FOTO PEÑA ATLÉTICA

- O coloquio enmárcase nun ciclo de actividades en homenaxe ao laureado adestrador de balonmán, que conquistou varias medallas olímpicas e europeas coa Selección Española, así como numerosos títulos á fronte do Alético de Madrid e BM Ciudad Real

- Terá lugar ás 19:30 horas no salón de actos do Pazo de San Marcos, con entrada totalmente de balde, baixo o título O deporte como formación e valores

- Rivera Capón subliñou que “o balonmán conta cunha forte tradición na provincia de Lugo e con este tipo de iniciativas queremos darlle un novo pulo para que volva ter a importancia de antano e, ao mesmo tempo, achegalo aos máis cativos da provincia”

- Os actos comezarán mañá coa charla A nutrición no deporte, a partir das 20:00 horas no Seminario de Lugo. Rematarán cunha ponencia no Vello Cárcere, o venres

Leer máis

Páxina 1 de 720,  7193 contidos

Información sobre el documento

Deputación de Lugo
C/ San Marcos N°8 – 27001 Lugo (Galicia)
Teléfono: 982 260 000