Emblema da Deputación de Lugo

Factura electrónica
Consultas cidadás
Boletín Oficial da Provincia de Lugo
Emprego público
Perfil do Contratante

Hoxe

15/05/2018

Chantada, O Saviñao e Taboada acollerán do 25 ao 27 de maio o Sacra Festival.org no que colabora a Deputación

- A Deputada de Cultura, Pilar García Porto, e a Directora do Sacra Festival.org, Carlota Pérez Fernández, presentaron hoxe a segunda edición deste festival que se celebrará en Chantada, O Saviñao e Taboada, e que conta coa colaboración da Deputación provincial.

150518 DSC_0025

O evento terá lugar do 25 ao 27 de maio en distintos escenarios, espazos naturais e outros plenamente integrados na paisaxe como casas abandonadas ou igrexas situas no medio da Ribeira Sacra do Miño. “Trátase dunha cita multifacética e integral que ofrecerá unha programación moi variada, que inclúe artes escénicas, exposicións, mesas redondas, artes plásticas e visuais... contaremos con máis de 11 grupos de artistas de diferentes disciplinas”, explicou García Porto.

Carlota Pérez indicou que o festival naceu hai dous anos como encontro itinerante, e destacou que se mantén a súa vocación de inclusión social. Tamén avanzou que a cultura do viño terá un papel relevante neste festival, no que a maior parte dos espectáculos celebraránse en espazos naturais. Os espazos elixidos son o antigo Campo da Feira de Cantada, a praia fluvial de Montemourulle, a praia da Coba, o entorno de Belesar, a adeba Abadía da Coba, a igrexa de Santo Estebo de Rivas de Miño e o bosque de Boan. A festa do festival une gastronomía, viños da zona e música e terá lugar nuha casa rural, así como as catas de viño.

Os artistas traballarán no espazo natural previamente elixido. O programa conta coa participación de artistas como Rebeca Ponte, Victor Duplá, Rebeca Jiménez, Óscar Ramone, a Banda de Chantada e Leo Rodríguez, entre outros. Tamén haberá obradoiros de danza prehispánica, de danza na natureza, de fotografía, de pintura e títeres para nenos na natureza.

Sonidos

Información sobre el documento

Deputación de Lugo
C/ San Marcos N°8 – 27001 Lugo (Galicia)
Teléfono: 982 260 000