Emblema de la Deputación de Lugo

Factura electrónica
Consultas ciudadanas
Boletín Oficial de la Provincia de Lugo
Empleo público
Perfil del Contratante

Actualidad

12/11/2017

O Pazo de San Marcos acolle a xornada informativa de ALCER dirixida aos enfermos renais da provincia

- López Izquierdo clausurou este domingo a XI Xornada Renal de ALCER, que contou con cirurxiáns, biólogos, farmacéuticos e nefrólogos da provincia de Lugo, que trataron temas como a hemodiálise domiciliaria portátil, novos tratamentos e investigacións

- A Deputada de Benestar e Igualdade subliñou que “o Executivo Provincial colabora anualmente con ALCER cunha achega de 5.000 euros para a xestión do transporte de 197 persoas que están recibindo tratamento de hemodiálise hospitalaria na provincia de Lugo”

- ALCER Lugo ofrece aos máis de 400 socios que posúe, información e asesoramento laboral, nutricional, psicosocial e legal, así como actividades, xornadas e obradoiros co obxectivo de mellorar a calidade de vida dos doentes renais lucenses

121117 Foto Alcer2

A Deputada de Benestar e Igualdade, Sonsoles López Izquierdo, clausurou este domingo, no Salón de Actos do Pazo de San Marcos, a XI Xornada Renal que organiza ALCER Lugo. Está dirixida aos doentes de enfermidade renal e nela participaron cirurxiáns, biólogos, farmacéuticos e nefrólogos da provincia de Lugo, que trataron temas como a hemodiálise domiciliaria portátil, os novos tratamentos e investigacións. No acto tamén participaron a Concelleira de Benestar Social, Ana González Abelleira; e a Presidenta de ALCER, María José Otero Díaz.

O Goberno da Deputación colabora anualmente con ALCER Lugo cunha achega económica de 5.000 euros para a xestión do transporte dos usuarios que están recibindo tratamento de hemodiálise hospitalaria nos 4 centros da provincia de Lugo: o Hospital Universitario Lucus Augusti, de Lugo, o Hospital Xeral da Costa, en Burela; e as Clínicas de Diálises privadas de Lugo e Monforte de Lemos.

López Izquierdo subliñou que “actualmente na provincia de Lugo están afectadas por algún tipo de insuficiencia renal máis de 30.000 persoas, o que supón o 10% da poboación lucense. Con estes datos, dende as administracións públicas temos que traballar da man e investir máis en investigación, prevención e concienciación, por iso dende o Goberno da Deputación colaboramos con ALCER Lugo na xestión do traslado de 197 lucenses que están a recibir tratamento hospitalario de hemodiálise, a través do servizo de taxis. Grazas o labor desta asociación, Lugo é a única provincia de toda Galicia na que se realiza este tipo de traslado, que resulta fundamental para que os doentes estean o menor tempo posible de traxecto dende o seu domicilio ao centro onde reciben a atención profesional e facer, deste xeito, unha ruta máis accesible”.

ALCER LUGO

A Asociación para la lucha conta las enfermedades renales de Lugo é unha entidade sen ánimo de lucro con fins de carácter social, que se constituíu no ano 1981, e que posúe máis de 450 socios. ALCER LUGO posúe unha oficina e sala de reunións, ademais de contar con varios profesionais, como unha psicóloga, unha administrativa e varios voluntarios. A súa función principal é a de ofrecer información e asesoramento sobre a insuficiencia renal crónica (I.R.C.); acompañamento e apoio nas diferentes etapas do tratamento; asesoramento laboral, legal, nutricional e psicosocial individualizado; e colaborar coa Oficina de Coordinación de Transplantes de Galicia. Ademais de prestar estes servizos, organizan ao longo do ano actividades para mellorar a calidade de vida dos doentes, como obradoiros de cociña, manualidades ou exercicio físico, así como campañas de información e sensibilización.

Imágenes

121117 Foto Alcer1

Ver más imágenes

Información sobre el documento

Diputación de Lugo
C/ San Marcos N°8 – 27001 Lugo (Galicia)
Teléfono: 982 260 000