Formación
Goberno interior
O Gabinete de Formación ten como visión ser un elemento estratéxico na modernización da Administración Local da provincia, mediante unha actuación formativa continuada e de calidade, dirixida a facer máis competentes as persoas que traballan nela.
A misión do Gabinete de Formación consiste en planificar os distintos actos formativos, tales como: analizar as necesidades formativas, deseñar e elaborar os plans de formación propios e destinados á Administración Local da provincia, executalos e realizar a avaliación de seguimento e impacto, baixo criterios de calidade, eficacia, eficiencia e servizo público.
Son obxectivos xerais do Gabinete: a formación profesional,o perfeccionamento e reciclaxe do persoal provincial e dos Concellos da provincia, a formación específica dos cargos electos locais e a colaboración en plans ou actuacións formativas con outras entidades ou institucións públicas e privadas de ámbito nacional, autonómico e local, conforme ós convenios xerais e específicos asinados con eles.
Os servizos que prestamos, en coherencia coa visión estratéxica, a misión e os obxectivos xerais, son:
- Elaboración e xestión de plans, programas e obradoiros de formación destinados ós empregados públicos provinciais (Plan propio)
- Elaboración e xestión do Plan Agrupado de Formación Continua (AFCAP) dirixido ós empregados públicos das Corporacións Locais da provincia de Lugo (Deputación e Concellos)
- Elaboración e xestión de plans e accións formativas en colaboración con outras entidades e institucións públicas e privadas (INAP, FEGAMP, EGAP, FEMP, Escola para as Administracións Públicas Caixanova, etc.) destinados ó persoal local, tanto provincial como estatal.
- Organización en exclusiva ou en colaboración con outras entidades de xornadas, conferencias e outras actividades formativas de ámbito provincial, autonómico ou nacional.
- Apoio e asistencia técnica ós Concellos da provincia mediante accións de formación-reciclaxe destinadas ós empregados públicos locais.
- Deseñar, elaborar e xestionar o programa formativo do Centro de Estudos Locais "Nicomedes Pastor Díaz", destinado ó persoal da Administración Local de ámbito nacional.
Área de Formación
Deputación de Lugo
C/ San Marcos nº 8
Lugo- 27001 Galicia España
Telf: 982 260 064 /065 /035 /036
Fax: 982 260 169 / 165
Información sobre el documento
C/ San Marcos N°8 – 27001 Lugo (Galicia)
Teléfono: 982 260 000
-
RSS
- | Contacto
- | Aviso legal
