Emblema da Deputación de Lugo

Factura electrónica
Consultas cidadás
Boletín Oficial da Provincia de Lugo
Emprego público
Perfil do Contratante

TURISMO NA PROVINCIA

Coñeces Lugo? Cada un dos municipios lucenses posúe atractivos que convirten esta provincia en única.

ver TURISMO NA PROVINCIA

SEDE ELECTRÓNICA

Infórmate dos trámites en liña que a Deputación pon á túa disposición. Desta maneira, cando teñas que facer xestións oficiais aforrarás tempo e contarás con total garantía de eficacia e seguridade.

ver SEDE ELECTRÓNICA

COÑECE A DEPUTACIÓN

Consulta a súa organización, os proxectos nos que está a traballar e a actividade doutros centros dependentes do organismo provincial.

ver COÑECE A DEPUTACIÓN

NOVAS

Para estar ó día de todos os proxectos do Goberno provincial, non tes máis que acceder a este apartado. Coñecerás puntualmente a actividade dos distintos departamentos.

ver NOVAS

Hoxe

20/02/2018

Máis de 50 preinscritos para participar no III Campus Álex Llorca, promovido polo Goberno da Deputación e do Concello de Lugo

200218 PRESENTACIÓN CAMPUS LLORCA I

- A nova edición do Campus terá lugar do 9 ao 15 de xullo na capital luguesa, empregando como instalacións de adestramento o Pazo dos Deportes e Anexos. Haberá tres modalidades de inscrición: réxime externo, semiexterno ou interno

- Rivera Capón subliñou que “é unha honra acoller por terceiro ano consecutivo na provincia de Lugo un Campus de baloncesto de contrastado nivel, coa presenza dunha das figuras destacadas do baloncesto nacional como é Álex Llorca”

- Fernández Méndez destacou a importancia deste campus e o éxito que acadou nestes últimos anos entre os máis pequenos e pequenas de Lugo e agradeceu a Álex Llorca que se acorde ano tras ano do municipio para levar a cabo este encontro

- O Goberno da Deputación e do Concello de Lugo son os principais patrocinadores, pois achegan  preto de 1.700 euros para facer posible a súa organización, ademais de ceder as instalacións; mentres que a Xunta colabora co transporte dos participantes

- Toda a información irase publicando nas redes sociais do campus e na web www.campusalexllorca.com, onde se pode inscribir xa e sumarse aos preto de medio centenar de preinscritos que xa se apuntaron. En total hai 120 prazas dispoñibles

Leer máis

20/02/2018

A Deputación promove o estudo do patrimonio lucense ofrecendo unha xornada sobre Santa Eulalia de Bóveda

200218 Deputacion-xornada santa eulalia de boveda

- É unha iniciativa que ademais de contar co apoio dos museos Arqueolóxico Nacional e o do Prazo, acaba de ser incluída dentro das accións do Ano Europeo do Patrimonio Cultural, elaborada polo Parlamento Europeo e o Consello de Europa

-García Porto avanzou que “este recoñecemento europeo permite o intercambio de información do patrimonio cultural europeo, o que permitirá impulsar o estudo de Santa Eulalia de Bóveda entre os nosos veciños e fóra das fronteiras do país”

- A xornada, que se celebrará o día 2 de marzo, contará con expertos e investigadores sobre este santuario relixioso. As prazas serán concedidas por rigoroso orde de solicitude ata completar aforo. Inscricións en info@museolugo.org.

- Esta iniciativa é un complemento á exposición A pintura mural de Santa Eulalia de Bóveda, composta polas 6 acuarelas realizadas por Elías de Segura en 1927, e que o Goberno da Deputación trouxo por 1ª vez a Lugo 91 anos despois da súa creación

Leer máis

20/02/2018

Comezan mañá as actividades gratuítas do Goberno da Deputación na Reserva da Biosfera dos Ancares Lucenses

200218 PRESENTACIÓN ACTIVIDADES ANCARES

- A Escola de Barcia, en Navia de Suarna, acollerá este mércores a primeira actividade enmarcada na programación do Executivo. Trátase dun obradoiro sobre a preparación de ungüentos con herbas máxicas para o que xa hai inscritos 17 participantes

- Fernández Queipo destacou a “positiva acollida coa que contan as actividades na Reserva da Biosfera dos Ancares. Para a primeira actividade, que terá lugar mañá en Navia, practicamente se completou o aforo; mentres que o obradoiro de conservas de e o de licores artesanais no Concello de Becerreá xa completaron as prazas”

- Este é o primeiro dos 6 obradoiros que organiza o Goberno da Deputación nos Concellos de Becerreá, Cervantes e Navia de Suarna. Os interesados en inscribirse nalgún dos cursos poden facelo en www.deputacionlugo.gal ou no 982 227 812

Leer máis

19/02/2018

Xabier Díaz e Adufeiras, Carme Penín, Tango en Xanx3iro, Os d´abaixo e Triad con Dónal Lunny no MusicAD da Deputación

190218 DEPUTACION-PRESENTACION MUSICAD

- A Deputada de Cultura presentou este luns a nova programación de música tradicional e folk de primeiro nivel que ofrece o Goberno Provincial no mes de marzo

- Os concertos, que terán lugar na Capela de Santa María, celebraranse os días 3, 8, 10, 17 e 24 de marzo, nun horario de 20:30 horas. A entrada é gratuíta

- Paralelamente na Capela, haberá unha exposición do fotografo Peter Schneider, co título “Frauen”. Unha mostra que busca encontrar os sentimentos das mulleres

Leer máis

18/02/2018

Mañá remata o prazo para inscribirse nos 188 novos traballos que xera o Goberno da Deputación co Ben Empregado 4, máis social

180218 DSC_0161

- Os lucenses desempregados interesados poden facelo a través da oficina física da Axencia de Colocación, no Pazo de San Marcos; na plataforma web (https://deputacionlugo.portalemp.com/index.php?lng=gl) e nos Rexistros Provinciais

- Esta cuarta edición do Ben Empregado, que financia en solitario o Executivo Provincial con 2,4 millóns de euros, permite financiar durante un ano os custos laborais de 188 novos traballadores en entidades e asociacións da provincia

- O Executivo Provincial financiará ao 100% os custos laborais de 19 lucenses no paro con capacidades diferentes ou en risco de exclusión social, ao 90% os de 39 persoas sen traballo que serán contratadas en asociacións e ao 50% a 130 veciños desempregados que comezarán a traballar en entidades da provincia   

Leer máis

16/02/2018

O V Congreso de Xéneros, Museos, Arte e Educación da Deputación reúne a máis de 25 expertos

160218 DEPUTACION-CONGRESO DE XENERO

- Esta nova edición contará con representantes de diferentes asociacións, investigadores, profesores, así como de iniciativas sociais en xéneros, activismo, persoas con capacidades diferentes, diversidade e educación que afondarán na visibilización e diversidade do tecido social

- A Deputada explicou que  “dende o Goberno da Deputación promovemos os 365 días do ano a igualdade de xéneros e espazos de diálogo e cohesión social, xa que somos conscientes da necesidade de amosar a diversidade coa que contamos na sociedade”

- Os encontros terán lugar o día 15 no Museo Provincial e pola tarde, no Pazo de Tor; o día 16 no Museo do Mar e o 17 en San Paio de Narla

Leer máis

16/02/2018

Santos Ramos: “A Deputación non despreza aos 100.000 veciños do Concello de Lugo como fai a Xunta”

160218 Alvaro santos -deputacion roda de prensa

- O voceiro do Goberno da Deputación pide a Balseiro que se preocupe de executar o Plan Paradai, de traer a Intermodal, de facer o Museo da Romanización e a Rolda Leste ou de dotar ao HULA de Hemodinámica as 24 horas. “Debería preocuparse de defender os intereses dos lucenses, como sempre seguirá a facer a Alcaldesa e este Goberno”

- “A Balseiro o único que lle preocupa do Concello de Lugo é facer a máxima propaganda do señor Carballo para metelo como sexa, con calzador, na alcaldía de Lugo. Balseiro e Carballo deberían preocuparse de dotar á Comisaría de Lugo dos medios que require, cos axentes necesarios, para que os veciños non teña a sensación de inseguridade”

- “Balseiro e Carballo deberían explicar porque Lugo é a única provincia galega sen a Unidade de Prevención e Reacción que a Dirección Xeral da Policía Nacional si dotou ás restantes provincias galegas. Que expliquen porque os lucenses dependemos do servizo de Hemodinámica as 24 horas e de seguridade cidadá da Coruña”

Leer máis

16/02/2018

Aberto o prazo para participar no V Campus de Emprendemento Sostible do Goberno da Deputación

160218 ENCONTRO CON EMPRENDEDORES

- Trátase da iniciativa coa que o Executivo ofrece formación, asesoramento individualizado e coñecemento in situ sobre proxectos empresariais exitosos, co obxectivo de poñer en marcha novos negocios nos Concellos das Reservas da Biosfera

- Os interesados en participar nos Campus de Motivación e Maduración Empresarial, que se celebrarán en marzo no Centro de Interpretación Terras do Miño, poden apuntarse ata o día 5 no espazo que se atopa habilitado en www.deputacionlugo.gal

- As catro anteriores edicións do Campus de Emprendemento Sostible supuxeron a xeración, ata o momento, de 21 novas empresas na provincia e, polo tanto, de novos postos de traballo no conxunto do territorio lugués

Leer máis

15/02/2018

A Deputación ofrece unha nova edición do Campus de Emprendemento pois xerou 21 empresas na provincia

150218 Campus de emprendemento-deputacion

- Fernández Queipo avanzou este xoves que outros 40 lucenses poderán recibir asesoramento individualizado e formación teórica-práctica para abrir os seus negocios

- Farano a través das accións que inclúe o V Campus de Emprendemento Sostible. Mañá abre o prazo de inscrición en www.deputacionlugo.gal ata o 5 de marzo

- 80 estudantes de FP coñecen as oportunidades de emprender coas sesións que se levan aos IES San Rosendo de Mondoñedo, IES Trapero Pardo en Castro de Rei e CFEA Alta Montaña, que son os 3 centros públicos da provincia que ofrecen ensinanzas superiores sobre produción agropecuaria, xestión forestal e do medio ambiente

- A Deputación tamén sensibiliza a 46 alumnos de Secundaria sobre o emprendemento con clases no IES de Becerreá e CEIP de Navia de Suarna. O Deputado e o Alcalde deste último Concello participaron hoxe nunha das sesións

Leer máis

15/02/2018

A TIC da Deputación dará proxección internacional a Foz e aos Concursos de baristas coa emisión en directo das tres xornadas

150218 DSC_0012

- Ramos Santos dixo que “celebramos 10 anos de colaboración co IES de Foz, co que contribuímos a poñer a este Concello no mapa internacional de baristas e apoiamos a economía da provincia”

- Os alumnos da EIS realizarán o streaming a través de Facebook e YouTube e editarán in situ vídeos de cada un dos participantes para colgalos ao momento nas redes

- “Queremos que os estudantes vivan o estrés do directo e se enfronten aos mesmos problemas que atoparán nunha emisión destas características no sector audivosiual”

- Nos Campionatos participarán 18 Escolas de Hostalería de Galicia, Cantabria, País Vasco, Casela e León e París, e 12 baristas profesionais

Leer máis

Máis novas

Información sobre el documento

Deputación de Lugo
C/ San Marcos N°8 – 27001 Lugo (Galicia)
Teléfono: 982 260 000