21/05/2012

A Deputación impulsa a economía sostible e o Camiño cun programa de termalismo para lucenses maiores de 50 anos

Gómez Besteiro asinou o convenio que pon en marcha o programa Km0 Balnearios no Camiño, que favorece o acceso dos maiores a programas de saúde e benestar nos balnearios da provincia

O termalismo ten un gran peso específico no sector turístico lucense, recibindo unha media de 120.000 usuarios ó ano, o que o converte nun importante factor de crecemento económico

Os lucenses maiores de 50 anos e os seus acompañantes poderán beneficiarse de descontos de 43 euros nos balnearios de Lugo, Pantón, Guitiriz e Palas de Rei dende xuño a decembro

Os interesados poderán inscribirse por Internet, a través da web http://www.deputacionlugo.org/, ou de xeito presencial no Rexistro do Pazo de San Marcos a partir do mércores 23 de maio

Leer máis

21/05/2012

300 estudantes da Zona Sur, A Mariña e Lugo coñecen a riqueza natural e cultural da provincia nas rutas de Km0 desta semana

Os rapaces, de entre 3 e 17 anos, pertencen a 6 centros educativos de Monforte, Quiroga, Viveiro, Burela, Lugo e Mondoñedo

O Deputado de Cooperación recibiu hoxe a 55 rapaces do IES monfortino Daviña Rey e a outros 55 do CEIP quirogués, que redescubriron Guitiriz e Burela, respectivamente

Leer máis

20/05/2012

A IV Feira do Moble de Lugo impulsada por Deputación e Concello pecha con vendas de 1 millón de euros

Ademais, quedan abertas varias operacións de compra con importadores de Rusia que, previsiblemente, incrementarán os beneficios da iniciativa que hoxe clausurou Pilar García Porto

O financiamento de ambas as dúas institucións luguesas permitiu a celebración da que foi a única mostra do moble para profesionais do sector no norte de España durante 2012

Leer máis

20/05/2012

Miles de persoas coñeceron a riqueza dos Ancares co expositor que levou a Deputación a un centro comercial da Coruña

As case 220.000 persoas que visitaron Dolce Vita, segundo datos da xerencia, descubriron as rutas de sendeirismo, as casas de turismo rural, as pallozas ou os produtos autóctonos da zona

Esta iniciativa inclúese nas actividades de difusión das Reservas da Biosfera do convenio co Ministerio de Medioambiente de 1 millón de euros, cofinanciados nun 66% por fondos estatais

Leer máis

19/05/2012

A Deputación financia as VI Xornadas Xurídicas de Sarria que reunirán na provincia a prestixiosos maxistrados

O organismo provincial achega 6.000 euros a esta iniciativa, facendo posible que o Concello sarriano e Foro Xurídico Diego Pazos poidan reeditala os días vindeiros días 1 e 2 de xuño

Val Alonso subliña que “estas xornadas fan da provincia a capital xurídica de España e xeran riqueza coa visita de centos de personas que non queren perder esta oportunidade única”

A programación, que versa sobre o Dereito de Sucesións, arrancará o venres coa intervención do Fiscal Xeral do Estado e pechará o sábado, ás 13:30 horas, co Presidente da Deputación de Lugo

Leer máis

19/05/2012

70 rapaces de 7 sete colexios de Lugo e A Terra Chá participan na terceira ruta Exploradores de Terras do Miño da Deputación

Os nenos, de 7 a 10 anos, coñeceron hoxe Fonmiñá, a lagoa de Cospeito, Finca Galea de Alfoz e o Centro de Interpretación Terras do Miño, en Lugo, facendo unha xincana

Os exploradores recibiron da man da Deputada de Medio Ambiente un diploma que acredita os seus coñecementos sobre a Reserva e como coidar o entorno

A cuarta e última xornada, para a que xa están as prazas cubertas, terá lugar o 26 de maio e está dirixida ós nenos da Mariña

Leer máis

18/05/2012

A Deputación denuncia que o mapa xudicial do PP suporá "menos servizos públicos e máis gastos" ós cidadáns

A proposta de Besteiro, o Goberno Provincial aproba unha declaración na que rexeita a supresión de xulgados lucenses e coa que insta a Feijóo a intervir no proceso de definición das sedes xudiciais tal e como xa lle demandou a FEGAMP ó Presidente galego

Máis gastos, menos dereitos e servizos públicos, xustiza para ricos, destrución de emprego e incremento do despoboamento son as “consecuencias irreversibles” da proposta do Partido Popular

Martínez subliña que o proxecto do PP, que recorta de 9 a 2 os xulgados na provincia, presenta contradicións porque en Lugo sobrepasaríanse os 100.000 habitantes por demarcación xudicial e non se contarían con 8 xuíces como mínimo nin sumando os de Vilalba, Mondoñedo e Viveiro

Leer máis

17/05/2012

Deputación e Concello fan posible que Lugo acolla a única feira no norte de España en 2012 para profesionais do moble

Porto e Dopeso inauguran a Feira do Moble de Lugo, a 3º mostra dirixida a traballadores do sector que se celebra este ano no país tras anularse as de Alicante, Madrid, Sevilla e A Estrada

Segundo datos oficiais, Galicia conta con 1.500 empresas de ebanistería, moble e elementos mobiliario que dan traballo a case 5.800 persoas e xeran beneficios de 290 millóns de euros

Distribuidores nacionais e internacionais, destacando a presenza de 3 firmas rusas que contan con 90 tendas en dito país, avalian a oferta dos 45 profesionais que expoñen os seus produtos

Leer máis

16/05/2012

A Deputación de Granada considera modélica a plataforma de comercio on line de Lugo e estuda implantala na súa provincia

Técnicos da Deputación granadina visitaron a institución luguesa para coñecer de primeira man o potencial que ofrece a primeira plataforma provincial de comercio electrónico

A delegación andaluza tamén visitou algunha das firmas de www.losproductosdelugo.com para escoitar as positivas valoracións que estas empresas fan da súa adhesión á plataforma

Esta iniciativa de venda na Rede contribúe decisivamente ó desenvolvemento da economía lucense, abrindo novos mercados ás empresas, mantendo empregos e fixando poboación no rural

Leer máis

16/05/2012

A Fundación TIC edita o CD do grupo monfortino "La Cuarta Pared" que se presentará en xira por Galicia no verán

Val Alonso entrega ó líder da banda 1.000 copias do traballo incluído en “Son Lugueses”, a colección de proxectos musicais que edita e financia a TIC en apoio ós artistas lugueses

Baixo o nome de Supervivencia, o disco recolle dez temas de música alternativa do monfortino Caetano Vázquez que, proximamente e en 1º lugar, presentará na súa cidade

Leer máis