Hoxe
22/05/2013
A Deputación mellorou máis de 400 quilómetros da rede viaria provincial co Plan de Rebacheo
Corresponde á totalidade de estradas provinciais en Xove, Quiroga, Burela, Cervo, Riotorto, A Pontenova, Castroverde e Ribas do Sil onde a institución rematou coa execución deste Plan
50 operarios e 32 máquinas traballan agora noutros 8 Concellos: Vilalba, A Pastoriza, As Nogais, Cospeito, Pol, Navia de Suarna, Pedrafita do Cebreiro e Cervantes
22/05/2013
A Deputación, 1ª de Galicia en activar unha aplicación gratuíta para móbiles coa que os veciños avisarán de incidencias na provincia
A App A Deputación no teu móbil serve tamén para inscribirse en actividades e cursos da institución provincial, ademais de consultar as últimas noticias relacionadas coa entidade e acceder a tódalas redes sociais nas que está presente
Con esta nova ferramenta tecnolóxica, activada hoxe, “marcamos un antes e un despois na relación entre os cidadáns e a administración, e avanzamos na senda do Goberno aberto, transparente e máis útil para os veciños”, subliñou o Presidente
Gómez Besteiro anunciou que as preto de 200 prazas do congreso #INLUGO esgotáronse en tan só 6 horas, polo que “faremos o esforzo de habilitar outra sala e abrir un segundo prazo de inscrición para dar cabida a toda a xente que queira participar”
21/05/2013
A Deputación interpón un Contencioso contra o Concello de Guitiriz por 'facer a sabendas obras ilegais' na Rúa do Mercado
Solicitará como medida cautelar ó xuíz a paralización dos traballos, pois considera “un perigo para as persoas” a reapertura ó tráfico desta vía, que é de titularidade provincial, ó non estar adaptada para a circulación continua de vehículos a motor
“Esta é unha mostra máis da actitude irresponsable e de confrontación do Alcalde, que busca o conflito permanente dende o mesmo día da súa toma de posesión, en vez de a colaboración institucional”, subliñou o Deputado de Xestión Territorial
21/05/2013
Aberto o prazo para participar gratis en #INLUGO, o congreso que reúne a elite nacional de Internet por 1º vez en Galicia
Os interesados poden inscribirse en www.deputacionlugo.org ou www.inlugo.com ata completar o aforro rigorosamente por orde de entrada das solicitudes
Dende hoxe e ata o 4 de xuño, a Deputación abre nos mesmos espazos web o prazo de presentación das candidaturas para os Premios #INLUGO, que recoñecen o bo emprego de Internet e as novas tecnoloxías de persoas, proxectos ou organizacións da provincia
21/05/2013
Xunta, Deputación e Fegamp asinan o convenio para poñer en marcha sete grupos de emerxencias supramunicipais en Lugo
Agora iniciarase o proceso de selección e formación do persoal, para que os GES estean plenamente operativos este mesmo verán
O novo mapa de emerxencias crea unha auténtica malla de emerxencias que cubre todo o territorio e fai unha distribución máis racional de recursos
Os novos GES súmanse aos seis parques comarcais de bombeiros, ao parque municipal de Lugo e aos servizos de Protección Civil da provincia
20/05/2013
A Deputación achega 900.000 euros para a posta en marcha na provincia dos Grupos de Emerxencia Municipal
A institución financia por 1º vez esta prestación para crear emprego e cooperación cos Concellos logo de que a Xunta, administración galega coas competencias, deixase de asumir o 100% deste servizo e obrigase ós municipios a destinar recursos económicos
Gómez Besteiro, Rueda Valenzuela e Villares Bermúdez asinarán este martes no Pazo de San Marcos o convenio para o funcionamento de 7 GES na Fonsagrada, Guitiriz, Becerreá, Monterroso, A Pontenova, Cervo e Quiroga/Folgoso
20/05/2013
A Fundación TIC e o Colexio de Xornalistas de Galicia organizan un curso de Dereito no Audiovisual
Alumnos da Escola de Imaxe e Son e profesionais da comunicación participan nesta acción formativa, que concluirá o mércores cunha sesión de 17:00 a 20:00 horas
As avogadas Mar Fernández e Montse Trillo, de Trillo e Asociados, e o profesor do Máster de Propiedade Intelectual da Universidade Autónoma de Madrid, Xabier Alonso, repasarán o contido do aparato legal que rexe o audiovisual
20/05/2013
Aprobado o adianto excepcional ó Club Deportivo Lugo con totais garantías de devolución á Deputación
O Pleno Extraordinario aprobou a modificación do Orzamento da institución para conceder 900.000 euros ó conxunto lugués, que serán devoltos na súa totalidade, evitando o seu descenso automático á Segunda División B da Liga de fútbol profesional
19/05/2013
A Deputación asume por 4º ano os custes das auditorías para que A Mariña luza o distintivo ambiental de maior rigor mundial
Aforrará ós Concellos de Foz, Viveiro e Ribadeo 21.000 euros para renovar a certificación ISO 14001 de 14 praias: Areoura, Llas, Peizás, As Polas, A Rapadoira, Os Xuncos, Alemáns, A Pampillosa, Arealonga, Covas, Area, Sacido, As Catedrais e Os Castros
Lara Méndez subliña o “esforzo inversor” que fai o organismo provincial para que a comarca mariñana siga competindo en calidade medioambiental coa Costa Dourada e o Levante, situándose na mesma categoría que areais como Cullera, Gandía ou Salou
16/05/2013
A Deputación celebra o luns un Pleno Extraordinario para aprobar o adianto excepcional ó CD Lugo, que devolverá integramente
O Presidente e os voceiros de PSOE, BNG e PP mantiveron este xoves unha xuntanza previa
A institución e o conxunto lugués asinaron hoxe o protocolo que garante a total devolución deste adianto e que será ratificado agora pola Asamblea do club deportivo
Áreas de interese
Enquisas
Cre que a Área Sanitaria de Xestión Integrada en Lugo desmantelará os Hospitais Da Costa e Monforte?
Información sobre el documento
C/ San Marcos N°8 – 27001 Lugo (Galicia)
Teléfono: 982 260 000
-
RSS
- | Contacto
- | Aviso legal
